ក្រោយពីរួមរស់ជាមួយគ្នាអស់រយៈពេល ១៥ឆ្នាំ ប្តីប្រពន្ធ១គូនេះមានវិបត្តិគ្រួសារ រហូតដល់សម្រេចចិត្តចែកផ្លូវគ្នាដើររៀងៗខ្លួន ។ ការសម្រេចលែងលះគ្នាដោយស្ម័គ្រចិត្ត ហេីយខាងប្រុសសុខចិត្តចុះចេញតែខ្លួនដោយប្រគល់ទ្រព្យសម្បត្តិទាំងអស់រួមមាន៖ ផ្ទះកំពុងរស់នៅ ដីធ្លីពីរប្លង់ និងអាជីវកម្មរកទទួលទានកន្លងមក ឲ្យខាងស្រី។ លើសពីនេះ ប្តីនូវផ្តល់ប្រាក់ឧបត្ថម្ភដល់កូនទាំង៣ នាក់ទៀតផង ។

ក្រោយពីបែកបាក់គ្រួសារ រស់នៅឯកោ និងធ្វើការនៅក្រៅប្រទេសមួយរយ: ខាងប្រុសក៏បានត្រលប់មកកាន់កម្ពុជានាឆ្នាំ២០១៥ ហើយបានចាប់ចិត្តស្រឡាញ់នឹងនារីវ័យក្មេងម្នាក់ ហេីយបានបង្កេីតចំណងគ្រួសារជាថ្មី។

មិនយូរប៉ុន្មាន ដំណឹងស្តីពីការបង្កេីតគ្រួសារថ្មីនេះបានដឹងដល់អតីតប្រពន្ធ ហើយនាងក៏បានសម្រេចចិត្តប្តឹងអតីតប្តី-ប្រពន្ធថ្មី ឪពុក-ម្តាយរបស់នាង សាក្សី២នាក់ មេភូមិ និង មេឃុំដែលជាអាជ្ញាធរទទួលបន្ទុកអាត្រានុកូលដ្ឋានទៅតុលាការនាឆ្នាំ២០១៩ ពីបទទ្វេពន្ធភាព និងពីបទសមគំនិតក្នុងបទល្មើសនេះ ។

តេីពួកគេទាំងនោះអាចរួចផុតពីការចោទប្រកាន់ដែរ ឬទេ?

យោងតាមការស្រាវជ្រាវរបស់សាលាដំបូងខេត្តកំពត និងសាលាដំបូងខេត្តបន្ទាយមានជ័យ ពួកគេត្រូវបានឲ្យរួចផុតពីការចោទប្រកាន់ ជាពិសេសជនត្រូវចោទចុងក្រោយដែលជាអតីតប្តី ត្រូវបានលើកលែងចោទប្រកាន់ តាមរយៈដីកាដំណោះស្រាយលេខ ១៥ ព្រ.ទ/២២ ចុះថ្ងៃទី១៦-កុម្ភៈ-២០២២ ។ នេះជាកាយវិការដ៏ល្អប្រពៃរបស់ស្ថាប័នតុលាការ និងអយ្យការអមសាលាដំបូងខេត្តកំពត ដែលបានផ្តល់នូវភាពយុត្តិធម៌ និងសច្ចៈភាពដល់កូនក្តី និងសូមឲ្យទង្វើទាំងនេះបន្តជានិច្ចនិរន្តន៍ ។

សូមអរគុណច្រើន!